Ungverskur markvörður til FH

Markvörður­inn Szonja Szöke hef­ur gert þriggja ára samn­ing við hand­knatt­leiks­deild FH og kem­ur til liðsins frá MTK Bu­dapest í Ung­verjalandi.

Szonja verður tví­tug á ár­inu en þrátt fyr­ir ung­an ald­ur hef­ur hún spilað síðastliðin tvö tíma­bil með liði MTK í efstu deild Ung­verja­lands og hef­ur auk þess verið viðloðandi yngri landslið þjóðar sinn­ar, sem meðal ann­ars vann til gull­verðlauna á Evr­ópu­móti U19 ára landsliða árið 2023.

FH leik­ur áfram í 1. deild á næsta tíma­bili eft­ir að hafa hafnað í sjö­unda sæti af tíu liðum í deild­inni í ár.

„Szonja er gríðarlega spenn­andi leikmaður sem við FH-ing­ar bind­um mikl­ar von­ir við. Eft­ir að hafa fengið hana á reynslu var ljóst að um virki­lega öfl­ug­an mark­mann væri að ræða sem mun án nokk­urs vafa styrkja liðið okk­ar mikið,“ sagði Ágúst Bjarni Garðars­son, formaður hand­knatt­leiks­deild­ar FH í til­kynn­ingu.

• Blogga um frétt