Kviknar á mörgum í úrslitaleikjum
Setja bókamerki
Óskar Bjarni Óskarsson, þjálfari Vals, segir frammistöðuna í oddaleiknum í kvöld hafa verið þá bestu hjá Val í undanúrslitaleikjunum gegn Aftureldingu.
Valur hafði betur 33:29 og samtals 3:2 í undanúrslitunum og mætir Fram í úrslitum Íslandsmóts karla í handknattleik.
„Ég vil byrja á því að þakka þjálfurum og leikmönnum Aftureldingar fyrir einvígið því þetta var skemmtilegt fyrir handboltann. Mér fannst frammistaða þeirra í rauninni vera betri en okkar í fyrstu fjórum leikjunum þótt við höfum unnið tvo þeirra. Í kvöld fannst mér við vera með yfirhöndina og þetta var besta frammistaða okkar í leikjunum fimm. Góð orka, góð vörn, engir tæknifeilar, góð skot og allir sem komu við sögu í leiknum stóðu sig. Það er erfitt að mæta Val í svona formi og þetta var góð frammistaða á heildina litið,“ sagði Óskar þegar mbl.is ræddi við hann að leiknum loknum á Hlíðarenda en þar vann Valur alla þrjá leikina.
„Mér leið vel í gær og í dag. Strákarnir í liðinu eru sigurvegarar. Þegar koma svona oddaleikir og bikarúrslitaleikir þá kviknar á mörgum í hópnum. Björgvin var frábær í markinu. Mér fannst margt vera mjög gott hjá okkur í dag og ég er stoltur af liðinu,“ segir Óskar Bjarni.
Fullorðnir karlmenn sem slösuðust í sprengingunni
Kom á óvart hvað eldurinn var mikill
Vill að gestirnir finni tónlistina inni í sér
„Í grunninn erum við bara litlir hræddir strákar í fangelsi“
Lögreglan hefur lagt hald á vopnið
Einn er látinn eftir eldinn á Hjarðarhaga
Dúx og semídúx lærðu íslensku frá grunni með námi