Langþráð endurkoma orðin að veruleika

Hand­knatt­leiksmaður­inn Há­kon Daði Styrmis­son er í leik­manna­hópi þýska B-deild­arliðsins Eintracht Hagen í fyrsta skipti í heilt ár í kvöld en liðið leik­ur úti­leik við Ludwigs­hafen.

Há­kon sleit kross­band í hné í byrj­un maí á síðasta ári og hef­ur verið frá keppni síðan.

Eyjamaður­inn leik­ur með Hagen í þýsku B-deild­inni og var ný­bú­inn að skrifa und­ir þriggja ára samn­ing við fé­lagið þegar hann varð fyr­ir meiðsl­un­um.

Í stuttu viðtali við sam­fé­lags­miðla Hagen sagði Há­kon að hann væri nán­ast orðinn heill heilsu og verði klár í slag­inn fljót­lega.

• Blogga um frétt