Íslendingarnir öflugir í lokaumferðinni

Ágúst Elí Björg­vins­son og Elv­ar Ásgeirs­son léku vel fyr­ir Ribe-Es­bjerg þegar liðið vann ör­ugg­an sig­ur á Grind­sted, 31:21, í lokaum­ferð fall­keppni dönsku úr­vals­deild­ar­inn­ar í hand­knatt­leik í dag.

Ribe-Es­bjerg forðaðist fall og hafnaði raun­ar í efsta sæti fall­keppn­inn­ar. Ringsted fell­ur niður í B-deild en Grind­sted bjargaði sér þrátt fyr­ir að enda með jafn mörg stig og Ringsted.

Ágúst Elí fór mik­inn í marki Ribe-Es­bjerg og varði 11 skot, sem gerði 37 pró­sent markvörslu.

Elv­ar, sem ný­verið skrifaði und­ir nýj­an lang­tíma­samn­ing við fé­lagið, skoraði tvö mörk og gaf tvær stoðsend­ing­ar.

• Blogga um frétt