Þórir Hergeirsson ráðinn til HSÍ

Þórir Her­geirs­son hef­ur verið ráðinn fag­leg­ur ráðgjafi á af­reks­sviði hjá Hand­knatt­leiks­sam­bandi Íslands. Til­kynnt var um ráðning­una á frétta­manna­fundi sam­bands­ins á Hlíðar­enda rétt í þessu.

Um nýja stöðu er að ræða hjá HSÍ þar sem Þórir mun vera hluti af teymi sem hef­ur um­sjón með því að móta af­reks­stefnu sam­bands­ins auk annarra af­reksmála.

Jón Hall­dórs­son formaður HSÍ skýrði frá því á fund­in­um að ráðning Þóris væri hluti af efldri af­reks­stefnu sam­bands­ins. Þórir muni mynda af­reksteymi með Snorra Steini Guðjóns­syni og Arn­ari Pét­urs­syni, landsliðsþjálf­ur­um karla og kvenna, og Jóni Gunn­laugi Viggós­syni, íþrótta­stjóra HSÍ.

Þórir Her­geirs­son fyr­ir miðju á frétta­manna­fundi HSÍ í dag. mbl.is/Ó​laf­ur Árdal

Þórir, sem er 61 árs gam­all Sel­fyss­ing­ur, er sig­ur­sæl­asti landsliðsþjálf­ari í sögu hand­bolt­ans eft­ir að hafa þjálfað kvennalið Nor­egs frá 2009 til 2024 með stór­brotn­um ár­angri.

Norska kvenna­landsliðið varð sex sinn­um Evr­ópu­meist­ari, þris­var heims­meist­ari og tvisvar Ólymp­íu­meist­ari und­ir hans stjórn og vann til viðbót­ar tvenn silf­ur­verðlaun á heims­meist­ara­mót­um, ein á Evr­ópu­móti og tvenn bronsverðlaun á Ólymp­íu­leik­um.

Áður var hann aðstoðarþjálf­ari landsliðsins í átta ár. Fram að því þjálfaði hann karlalið El­ver­um, Gjerpen og Nær­bö í Nor­egi.

Hann lét af störf­um hjá norska sam­band­inu í des­em­ber síðastliðnum eft­ir að hafa gert norska liðið að Evr­ópu­meist­ur­um í sjötta sinn und­ir sinni stjórn.

Síðan þá hef­ur Þórir sinnt ýmis kon­ar störf­um, haldið fyr­ir­lestra víðs veg­ar og ekki viljað festa sig á nein­um ein­um stað en hef­ur nú skuld­bundið sig HSÍ.

• Blogga um frétt