Góðir hlutir gerast hægt

„Góðir hlut­ir ger­ast hægt, er það ekki?“ spurði Þórir Her­geirs­son, nýráðinn fag­leg­ur ráðgjafi af­reks­sviðs Hand­knatt­leiks­sam­bands Íslands, um aðdrag­and­ann að ráðningu sinni.

Þórir lét af störf­um sem þjálf­ari norska kvenna­landsliðins í des­em­ber en Guðmund­ur B. Ólafs­son, sem þá var formaður HSÍ, hafði sett sig í sam­band við hann fyrr.

„Þetta byrjaði í sept­em­ber þegar Guðmund­ur hafði sam­band eft­ir að ég til­kynnti að ég myndi ekki end­ur­nýja samn­ing minn hjá norska sam­band­inu.

Það var flott. Hann hafði áhuga á að ræða mál­in um eitt­hvað hlut­verk fyr­ir mig í þessu af­reks­starfi hér,“ sagði Þórir í sam­tali við mbl.is.

Frétt af mbl.is

„Vinn­ur 100 pró­sent og færð borgað fyr­ir 30!“

Frétt af mbl.is

Þórir Her­geirs­son ráðinn til HSÍ

Vild­um ekki ana að neinu

Vé­steinn Haf­steins­son, af­reks­stjóri Íþrótta- og Ólymp­íu­sam­bands Íslands, ræddi sömu­leiðis við hann.

„Síðan kom Vé­steinn líka inn í þetta og ég hef verið í sam­skipt­um við hann. Hann er bú­inn að vinna frá­bæra vinnu hérna með góðu fólki í þess­um af­reksmál­um. Af­reksmiðstöðin er að koma.

Það svona ýtti und­ir þetta hjá mér. Síðan hef­ur Jón [Hall­dórs­son formaður HSÍ] fylgt þessu eft­ir. Þetta hef­ur tekið smá tíma, líka til þess að vera ekki að ana að neinu. Það fór svo­lít­ill tími í að finna út hvernig þetta ætti að vera,“ út­skýrði Þórir.

• Blogga um frétt