Viljum vinna Ísland eins og 2014

Bosn­íu­menn ætla að end­ur­taka leik­inn frá ár­inu 2014 þegar þeir unnu óvænt­an sig­ur á Íslend­ing­um, þegar þjóðirn­ar mæt­ast í undan­keppni EM 2026 í Saraj­evo í Bosn­íu í kvöld.

Ísland hef­ur þegar tryggt sér sæti á EM með því að vinna alla fjóra leiki sína og er með 8 stig en Bosn­ía er aðeins með tvö stig og er í hörðum slag við Georgíu og Grikk­land um að kom­ast á EM.

Íslenska liðið vann fyrri leik liðanna í Laug­ar­dals­höll­inni 32:26 í nóv­em­ber, eft­ir að staðan var jöfn í hálfleik.

„Við vilj­um end­ur­taka leik­inn frá 2014 og vinna ís­lenska liðið í Saraj­evo," sagði fyr­irliðinn Senjam­in Buric í viðtali við dag­blaðið Avaz í Saraj­evo í dag.

Þar vís­ar hann í sig­ur Bosn­íu­manna gegn Íslandi í um­spil­inu fyr­ir HM í Kat­ar 2015 en Bosn­ía vann þar heima­leik­inn, 33:32, og komst svo á HM með því að ná jafn­tefli, 29:29, í seinni leikn­um í Laug­ar­dals­höll­inni. Íslenska liðið slapp svo reynd­ar inn á HM þegar það fékk auka­sæti (wildcard) á mót­inu.

„Ég á von á hörðum slag af beggja hálfu. Okk­ar mögu­leik­ar fel­ast í því að koma í veg fyr­ir að Íslend­ing­arn­ir nái að keyra hraðar sókn­ir á okk­ur því þeir spila mjög hraðan nú­tíma­hand­bolta.

Við ber­um mikla virðingu fyr­ir ís­lenska liðinu sem er í hópi bestu landsliða heims, en við erum alltaf best­ir þegar aðrir van­meta okk­ur," sagði Buric enn frem­ur.

• Blogga um frétt