„Mér líst mjög vel á þetta,“ sagði Elín Rósa Magnús­dótt­ir, leikmaður Vals í hand­bolta, í sam­tali við mbl.is. Val­ur leik­ur við spænska liðið Porr­ino í úr­slit­um Evr­ópu­bik­ars­ins. Fyrri leik­ur­inn er ytra næst­kom­andi laug­ar­dag og seinni leik­ur­inn á heima­velli viku síðar.

„Við erum rosa­lega spennt­ar og til­bún­ar að tak­ast á við þetta frá­bær­lega skemmti­lega verk­efni. Þetta er ekk­ert smá spenn­andi og fyr­ir ári síðan hugsaði maður að þetta væri frá­bært tæki­færi fyr­ir karl­ana. Nú er maður sjálf­ur í þess­ari stöðu og þetta er ekk­ert smá skemmti­legt,“ sagði Elín en karlalið Vals varð Evr­ópu­bikar­meist­ari fyr­ir ári.

Landsliðskon­an er ánægð með þá reynslu sem Valsliðið hef­ur náð í með þátt­töku og góðu gengi í keppn­inni.

„Þetta hef­ur gefið okk­ur ótrú­lega mikla reynslu. Það er allt öðru­vísi að spila á móti þess­um liðum í þess­ari keppni en hér heima. Þetta er öðru­vísi hand­bolti og maður þarf að aðlaga sig fljótt að þeirra leik, gegn leik­mönn­um sem maður hef­ur aldrei spilað við áður,“ sagði hún

Tengd­ar frétt­ir

Úrslita­ein­vígi Vals og Porr­ino

Fékk kveðju frá koll­eg­um í lög­regl­unni

• Augna­blikið sem Val­ur varð Evr­ópu­bikar­meist­ari
• Draum­ur sem ég bjóst aldrei við að yrði að veru­leika
• Næst­besti dag­ur lífs míns
• Hildigunn­ur há­grét: Er orðlaus og stolt

» Fleiri tengd­ar frétt­ir

• Blogga um frétt