Val­ur og Porr­ino frá Spáni skildu jöfn, 29:29, í fyrri leik liðanna í úr­slit­um Evr­ópu­bik­ars kvenna í hand­bolta í Porr­ino í dag. Liðin mæt­ast eft­ir viku og er Val­ur í fínni stöðu til að verða fyrsta ís­lenska kvennaliðið til að vinna Evr­ópu­keppni.

Liðin skipt­ust á að skora fyrstu mín­út­urn­ar en í stöðunni 5:5 skoraði Val­ur þrjú mörk í röð og var staðan 8:5 þegar tíu mín­út­ur voru eft­ir af fyrri hálfleik.

Liðin skipt­ust á að skora næstu mín­út­ur en Val­ur náði fjög­urra marka for­skoti í fyrsta skipti þegar skammt var eft­ir af fyrri hálfleik, 15:11.

Spænska liðið minnkaði mun­inn þegar fimm sek­únd­ur voru eft­ir af fyrri hálfleik og Ágúst Jó­hanns­son tók leik­hlé. Thea Imani Sturlu­dótt­ir þurfti ekki meira en fimm sek­únd­ur til að skora glæsi­legt mark og var staðan í hálfleik 16:12, Val í vil.

Elín Rósa Magnús­dótt­ir átti stór­leik í fyrri hálfleik, lagði upp mörk og náði í ótrú­legt magn ví­tak­asta. Þórey Anna Ásgeirs­dótt­ir nýtti fimm slík í fyrri hálfleik og Ásdís Þóra Ágústs­dótt­ir eitt.

Porr­ino byrjaði seinni hálfleik­inn af krafti og jafnaði á um átta mín­út­um í 18:18. Val­ur svaraði vel og komst tveim­ur mörk­um yfir á ný í stöðunni 21:19. Munaði tveim­ur mörk­um þegar tíu mín­út­ur voru eft­ir, 25:23.

Porr­ino skoraði næstu tvö mörk og jafnaði í 25:25 þegar sjö mín­út­ur voru eft­ir. Staðan var svo 28:28 þegar 40 sek­únd­ur voru eft­ir og Val­ur var með bolt­ann.

Elín Rósa skoraði með gegn­um­broti og Porr­ino tók leik­hlé þegar 20 sek­únd­ur voru eft­ir. Heima­kon­ur nýttu það vel því Mica­ela Casa­sola skoraði jöfn­un­ar­markið á loka­sek­únd­unni.

Porr­ino	29:29	Val­ur	Opna lýs­ingu Loka
60. mín. Haf­dís Renötu­dótt­ir (Val­ur) varði skot Frá Bu­forn og Val­ur get­ur kom­ist yfir! 50 sek­únd­ur eft­ir.
Augna­blik — sæki gögn...

Tengd­ar frétt­ir

Úrslita­ein­vígi Vals og Porr­ino

Fékk kveðju frá koll­eg­um í lög­regl­unni

• Augna­blikið sem Val­ur varð Evr­ópu­bikar­meist­ari
• Draum­ur sem ég bjóst aldrei við að yrði að veru­leika
• Næst­besti dag­ur lífs míns
• Hildigunn­ur há­grét: Er orðlaus og stolt

» Fleiri tengd­ar frétt­ir

• Blogga um frétt