„Ég er ekki sátt en ég er ekki svekkt held­ur,“ sagði Hildigunn­ur Ein­ars­dótt­ir, línu­kona Vals í hand­bolta, í sam­tali við mbl.is eft­ir 29:29-jafn­tefli liðsins við Porr­ino frá Spáni í fyrri leik liðanna í úr­slit­um Evr­ópu­bik­ars­ins.

„Við kom­umst fimm mörk­um yfir í byrj­un seinni og auðvitað vill maður þá fara heim með 2-4 marka for­skot. Við eig­um inni í sókn­inni eft­ir að þær fara í 3-3-vörn.

Þetta var hörku­leik­ur á móti erfiðu liði á virki­lega erfiðum úti­velli. Ég hef fulla trú á við get­um klárað þetta heima,“ sagði Hildigunn­ur.

Gríðarleg læti voru í höll­inni í Porr­ino þegar spænska liðið jafnaði snemma í seinni hálfleik eft­ir að liðið lenti mest fimm mörk­um und­ir.

„Það var gam­an. Maður fær adrenalín á móti þótt þetta sé stund­um á móti manni. Það er bara skemmti­legt. Það leið öll­um vel á vell­in­um og við skoruðum 29 mörk. Við get­um samt bætt margt og það er bara hálfleik­ur, staðan er 0:0. Ef við lög­um það sem má bæta þá klár­um við þetta lið heima.“

Hildigunn­ur legg­ur skóna á hill­una eft­ir tíma­bilið og var leik­ur­inn í kvöld því henn­ar síðasti á úti­velli í Evr­ópu­keppni.

„Það er gam­an að klára þetta með skemmti­leg­um leik. Það fyrsta sem ég hugsaði þegar leik­ur­inn var bú­inn var að núna væri Evr­ópa búin hjá mér. Þetta er skrít­in til­finn­ing en gam­an að enda á skemmti­leg­um leik.“

Tengd­ar frétt­ir

Úrslita­ein­vígi Vals og Porr­ino

Fékk kveðju frá koll­eg­um í lög­regl­unni

• Augna­blikið sem Val­ur varð Evr­ópu­bikar­meist­ari
• Draum­ur sem ég bjóst aldrei við að yrði að veru­leika
• Næst­besti dag­ur lífs míns
• Hildigunn­ur há­grét: Er orðlaus og stolt

» Fleiri tengd­ar frétt­ir

• Blogga um frétt