„Þetta var frá­bær upp­lif­un og mjög spenn­andi frá upp­hafi til enda,“ sagði Eva Gunn­laugs­dótt­ir, vara­formaður hand­knatt­leiks­deild­ar Vals, í sam­tali við mbl.is eft­ir 29:29-jafn­tefli liðsins á úti­velli gegn Porr­ino frá Spáni í gær.

Val­ur komst mest fimm mörk­um yfir en þegar skammt var eft­ir komst Porr­ino marki yfir. Val­ur svaraði og var hárs­breidd frá sigri.

„Þótt þær hafi náð þessu for­skoti og misst það niður sást það lang­ar leiðir hvað þær börðust vel. Þær gáf­ust aldrei upp og misstu aldrei haus­inn. Ég var smá spæld en ég vissi að þetta færi ekki í neina vit­leysu. Ég er rosa­lega ánægð með styrk­inn sem þær sýndu.“

Rúm­lega 2.000 fylltu höll­ina í spænska smá­bæn­um og úr varð gríðarleg stemn­ing. „Þessi stemn­ing var geggjuð. Það var mik­il gleði og all­ir að klappa all­an tím­ann. Fólk var líka mætt löngu fyr­ir leik og þetta var virki­lega flott.“

Seinni leik­ur­inn fer fram næst­kom­andi laug­ar­dag á Hlíðar­enda. „Það verður góður mögu­leiki og ég hef fulla trú á þeim,“ sagði Eva.

Tengd­ar frétt­ir

Úrslita­ein­vígi Vals og Porr­ino

Fékk kveðju frá koll­eg­um í lög­regl­unni

• Augna­blikið sem Val­ur varð Evr­ópu­bikar­meist­ari
• Draum­ur sem ég bjóst aldrei við að yrði að veru­leika
• Næst­besti dag­ur lífs míns
• Hildigunn­ur há­grét: Er orðlaus og stolt

» Fleiri tengd­ar frétt­ir

• Blogga um frétt