Nýjasti landsliðsmaður Íslands til Þýskalands?

Reyn­ir Þór Stef­áns­son, sem lék sinn fyrsta leik fyr­ir A-landsliðið í hand­bolta á sunnu­dag, er í dag orðaður sterk­lega við Melsungen í þýska miðlin­um Sport Bild.

Miðil­inn grein­ir frá að Melsungen hafi lengi fylgst með Reyni og vilji gera við hann þriggja ára samn­ing fyr­ir næsta tíma­bil.

Reyn­ir, sem er 19 ára gam­all, hef­ur slegið í gegn hjá Fram und­an­far­in ár og var verðlaunaður með sæti í landsliðinu fyr­ir leik­ina gegn Bosn­íu og Georgíu.

Elv­ar Örn Jóns­son og Arn­ar Freyr Arn­ars­son leika með Melsungen. Sá fyrr­nefndi hef­ur samið við Mag­deburg og mun færa sig um set eft­ir tíma­bilið.

Fram und­an hjá Reyni og fé­lög­um í Fram er úr­slita­ein­vígi við Val um sjálf­an Íslands­meist­ara­titil­inn. 

• Blogga um frétt