Óðinn samdi við ÍR

Óðinn Freyr Heiðmars­son hef­ur samið við hand­knatt­leiks­deild ÍR um að leika með liðinu næstu tvö tíma­bil.

Óðinn Freyr, sem er 26 ára línumaður, kem­ur frá Fjölni, þar sem hann lék und­an­far­in ár. Fjöln­ir féll úr úr­vals­deild­inni á ný­af­stöðnu tíma­bili.

„Hann spilaði 22 leiki með þeim í Olís-deild­inni á ný­af­stöðnu tíma­bili og skoraði í þeim 62 mörk auk þess sem hann spilaði lyk­il­hlut­verk í varn­ar­leik liðsins.

Það er mikið gleðiefni að Óðinn hafi ákveðið að taka slag­inn í Breiðholt­inu á næstu árum og bind­um við mikl­ar von­ir við hann,“ sagði meðal ann­ars í til­kynn­ingu frá hand­knatt­leiks­deild ÍR.

Óðinn Freyr ólst upp hjá Þór á Ak­ur­eyri og er af hand­bolta­ætt­um en faðir hans er Heiðmar Felix­son, fyrr­ver­andi landsliðsmaður og nú­ver­andi aðstoðarþjálf­ari þýska liðsins Hanno­ver-Burgdorf.

• Blogga um frétt