Viktor Gísli samdi við Barcelona

Vikt­or Gísli Hall­gríms­son, landsliðsmarkvörður í hand­knatt­leik, hef­ur samið við spænska stór­veldið Barcelona um að leika með því næstu tvö tíma­bil.

Vikt­or Gísli kem­ur frá pólska liðinu Wisla Plock þar sem hann lék í eitt tíma­bil.

Landsliðsmarkvörður­inn er 24 ára gam­all og hef­ur einnig leikið með Nan­tes í Frakklandi og GOG í Dan­mörku sem at­vinnumaður.

Ólst hann upp hjá Fram og hóf meist­ara­flokks­fer­il­inn þar ung­ur að aldri.

Mark­miðið frá því æsku

Hjá Barcelona mun Vikt­or Gísli mynda markv­arðat­eymi með Dan­an­um Emil Niel­sen. Í sam­tali við heimasíðu Börsunga kvaðst ís­lenski markvörður­inn hafa dreymt um að spila fyr­ir fé­lagið.

„Ég er mjög ánægður með að ganga til liðs við Barca fyr­ir næsta tíma­bil. Að spila fyr­ir Barca hef­ur verið mark­mið mitt svo lengi sem ég man eft­ir mér þannig að ég er mjög spennt­ur fyr­ir næsta tíma­bili.

Þetta er draum­ur að ræt­ast fyr­ir mig. Ég er mjög ánægður og ég get ekki beðið eft­ir að hitta og spila fyr­ir fram­an stuðnings­menn Barca!“ sagði Vikt­or Gísli.

• Blogga um frétt