Fæ gæsahúð við að tala um hann

Ívar Logi Styrmis­son átti flott­an leik er Fram sigraði Val, 37:33, í fyrsta leik liðanna í úr­slit­um Íslands­móts­ins í hand­bolta á Hlíðar­enda í kvöld.

Frétt af mbl.is

Fram­ar­ar yfir í úr­slita­ein­víg­inu

Fram náði mest sjö marka for­skoti í seinni hálfleik, áður en Val­ur minnkaði mun­inn í eitt mark þegar skammt var eft­ir. Fram­ar­ar voru hins veg­ar sterk­ari í blá­lok­in.

„Það var mikið hikst á okk­ur en mér leið þægi­lega. Við vor­um komn­ir með flott for­skot og við viss­um að þeir kæmu á okk­ur. Ég er ánægður með hvernig við stóðumst þetta.

Arn­ór Máni Daðason markvörður Fram fagn­ar í kvöld. mbl.is/​Karítas

Sókn­ar­leik­ur­inn okk­ar var góður. Það voru ansi marg­ar sókn­ir í þess­um hraða leik. Vörn­in var ágæt í seinni hálfleik. Vörn­in og markvarsl­an, klass­íska bland­an,“ sagði Ívar.

Ívar og aðrir leik­menn beggja liða þurftu að bíða í rúm­ar tvær vik­ur eft­ir þessu ein­vígi vegna landsliðspás­unn­ar.

„Þetta er smá skrítið. Ég er eig­in­lega ekki meðvitaður um að þetta sé að fara í gang. Það kom ekki fyrr en í dag. Maður þurfti að vera snögg­ur að gera sig til­bú­inn,“ sagði hann.

Reyn­ir Þór Stef­áns­son var marka­hæst­ur hjá Fram í leikn­um með tólf mörk, fjór­um dög­um eft­ir að hann lék sinn fyrsta A-lands­leik.

Þor­steinn Gauti Hjálm­ars­son úr Fram sæk­ir að marki Vals í kvöld. mbl.is/​Karítas

„Maður fær gæsa­húð við að tala um hann. Þótt hann sé ekki at­vinnumaður hérna þá hag­ar hann sér eins og at­vinnumaður í öllu. Við setj­um ábyrgð á hann og hann á okk­ur, því hann er með stand­arda. Það hef­ur verið geggjað að sjá hann taka þessi skref,“ sagði hann.

Ívar kom til Fram árið 2022 og höfðu Fram­ar­ar þá ekki verið lík­leg­ir til að vinna titla síðustu ár og ekki fyrstu ár Ívars held­ur. Annað er uppi á ten­ingn­um í ár, en Fram er ekki aðeins yfir í úr­slit­um, held­ur einnig bikar­meist­ari.

„Ég sá það ekki fyrsta árið en annað árið, þegar ungu strák­arn­ir eins og Reyn­ir og Mar­el koma upp, sá maður að það voru mikl­ir hæfi­leik­ar í liðinu. Við vor­um flengd­ir gegn Val í átta liða úr­slit­um í fyrra og vor­um nokkr­um núm­er­um of litl­ir. Við nýtt­um sum­arið vel eft­ir það.“

Fleiri Fram­ar­ar voru í stúk­unni í kvöld, þrátt fyr­ir að vera gestaliðið. „Mér leið eins og við vær­um á heima­velli. Ég bjóst við fleiri Völs­ur­um. Þetta var heima­völl­ur­inn okk­ar í dag,“ sagði Ívar.

• Blogga um frétt