Markaregn í tveimur Íslendingaslögum

Fjöldi ís­lenskra leik­manna lét vel að sér kveða í þýsku 1. deild­inni í hand­knatt­leik karla í kvöld. Alls litu 27 ís­lensk mörk dags­ins ljós í tveim­ur Íslend­ingaslög­um.

Ómar Ingi Magnús­son skoraði sex mörk og lagði upp fjög­ur þegar Mag­deburg lagði læri­sveina Guðjóns Vals Sig­urðsson­ar í Gum­mers­bach að velli, 32:31.

Gísli Þor­geir Kristjáns­son bætti við þrem­ur mörk­um og þrem­ur stoðsend­ing­um.

Teit­ur Örn Ein­ars­son var öfl­ug­ur í liði Gum­mers­bach með fjög­ur mörk og tvær stoðsend­ing­ar og Elliði Snær Viðars­son bætti við tveim­ur.

Mag­deburg er í þriðja sæti með 43 stig, þrem­ur á eft­ir efstu liðum en á leik til góða. Gum­mers­bach er í ní­unda sæti með 30 stig.

Skoruðu báðir sex mörk

Ekki létu Íslend­ing­arn­ir sitt eft­ir liggja þegar læri­svein­ar Rún­ars Sig­trygg­son­ar í Leipzig vann Erlangen 23:21.

Andri Már Rún­ars­son, son­ur Rún­ars, skoraði sex mörk fyr­ir Leipzig.

Viggó Kristjáns­son gerði slíkt hið sama fyr­ir Erlangen gegn sín­um gömlu fé­lög­um í Leipzig. Gaf hann auk þess eina stoðsend­ingu.

Leipzig er í 12. sæti með 21 stig og Erlangen er í 16. sæti með 12 stig, tveim­ur fyr­ir ofan fallsæti.

• Blogga um frétt