Orri frábær í undanúrslitunum – Óðinn engu síðri

Sport­ing vann í dag afar sann­fær­andi átta marka útisig­ur á Braga í seinni leik undanúr­slita portú­galska bik­ars­ins, 40:32.

Fyrri leik­ur­inn endaði með 38:29 sigri Sport­ing þannig að sam­an­lagt vann Sport­ing sautján marka sig­ur, 78:61.

Orri Freyr Þorkels­son fór á kost­um í liði Sport­ing í dag og skoraði níu mörk.

Óðinn frá­bær að vanda

Kadetten tók á móti Bern í fyrsta úr­slita­leikn­um í sviss­nesku deild­inni og óhætt er að segja að spenn­an hafi verið í al­gleym­ingi.

Fór svo að lok­um að Kadetten vann eins marks sig­ur, 34:33.

Óðinn Þór Rík­h­arðsson átti stór­góðan leik í hægra horn­inu hjá Kadetten og skoraði átta mörk.

• Blogga um frétt