Ég er bara orðlaus

Það var hress og kát­ur Ívar Logi Styrmis­son sem mætti í viðtal hjá mbl.is strax eft­ir verðlauna­af­hend­ingu í kvöld. Lið hans Fram varð í kvöld Íslands­meist­ari karla í hand­bolta eft­ir sig­ur á Val og sam­tals 3:0 í ein­víg­inu. Styrm­ir hafði þetta að segja spurður út í þær til­finn­ing­ar sem bryt­ust um í hon­um:

„Ég er eig­in­lega bara orðlaus. Ég var með góða til­finn­ingu fyr­ir leik. Okk­ur leið vel og vor­um bún­ir að læra af þriðja leikn­um á móti FH í undanúr­slit­un­um. Mér leið vel og fannst eins og hóp­ur­inn væri að fara vinna þetta.

Síðan bara er þessi leik­ur og ég gæti ekki sagt þér eitt atriði úr hon­um því ég var bara í ein­hvers kon­ar blörri.“

Eggert Jó­hann­es­son

Þannig að þú spilaðir þenn­an leik í svokölluðu black-outi?

„Já, ekki í þessu hefðbundna en klár­lega í svona and­legu black-outi, já,“ sagði Ívar Logi hlæj­andi og hélt síðan áfram: „Frá­bær inn­koma hjá Theo­dóri og hann stóð sig bara frá­bær­lega og bara allt liðið.

Við tók­um ákvörðun síðasta sum­ar um að bæta okk­ur gríðarlega og byrjuðum að æfa gríðarlega snemma. Við tók­um þetta síðasta sum­ar bara í nefið.“

Þið sem sagt settuð ykk­ur há­leit mark­mið fyr­ir þetta tíma­bil?

„Já, og við vor­um bara frek­ar opn­ir með það við fólkið í kring­um okk­ur og okk­ar stuðnings­menn. Við sögðum bara að við ætluðum að stefna á alla titl­ana. Við náðum tveim­ur af þrem­ur. Geggjað að ná mark­miðunum sín­um.“

Íslands­meist­ara­tit­ill­inn er ykk­ar og nú tek­ur við sum­ar­frí. Verða ein­hverj­ar breyt­ing­ar hjá þér fyr­ir næsta tíma­bil?

„Eng­ar breyt­ing­ar hjá mér. Ég er enn þá með samn­ing. Við erum að missa Reyni Þór og Tryggva held ég. En við erum með mikið af ung­um gæj­um sem eru ekki komn­ir í hóp­inn þannig að það er mik­ill efniviður. Þannig að við eig­um al­veg að geta fylgt þessu eft­ir og gert Fram aft­ur að stór­veld­inu sem það var í hand­bolta,“ sagði Ívar Logi í sam­tali við mbl.is

• Blogga um frétt