Það á ekki að sjást hjá Val

Ísak Gúst­afs­son, leikmaður Vals, var væg­ast sagt svekkt­ur þegar hann ræddi við mbl.is eft­ir tap gegn Fram, 28:27, í þriðja leik liðanna í úr­slit­um Íslands­móts­ins. Fram vann ein­vígið 3:0 og er Íslands­meist­ari.

„Það sem er aðallega í höfðinu á mér núna eru þess­ar bölvuðu tvær mín­út­ur sem ég fæ í lok­in sem fer með þenn­an leik. Ég gleymi mér í augna­blik, var ekki nógu fljót­ur eða er of vit­laus.

Mér fannst ég ekki ýta hon­um en hann gerði mikið úr þessu og dóm­ar­arn­ir voru bún­ir að dæma tvær mín­út­ur á þetta all­an leik­inn. Það fer með leik­inn,“ sagði hann svekkt­ur.

Ísak er ekki sátt­ur við frammistöðu Vals í ein­víg­inu.

„Það vantaði mjög margt: það vantaði grimmd, vilj­ann, haus­inn og margt annað. Við vor­um flott­ir á köfl­um en svo komu t.d. 2-3 dóm­ar í öðrum leik sem við vor­um ósátt­ir við og þá misst­um við haus­inn og urðum litl­ir. Það á ekki að sjást hjá Val.“

Ísak geng­ur í raðir Ringsted frá Dan­mörku fyr­ir næsta tíma­bil en hann er ekki byrjaður að hugsa um æv­in­týri at­vinnu­mennsk­unn­ar.

„Ég er ekki kom­inn þangað. Ég verð sár eitt­hvað fram eft­ir sumri,“ sagði Ísak.

• Blogga um frétt