„Þið eruð nokkrum númerum of litlir!“

„Ég er feg­inn að þetta sé búið,“ sagði Rún­ar Kára­son, leikmaður Íslands­meist­ara Fram, í Hand­bolta­kvöldi í gær eft­ir að Fram­ar­ar tryggðu sér Íslands­meist­ara­titil­inn.

Fram hafði bet­ur gegn Val, 28:27, í þriðja leik liðanna í úr­slita­ein­vígi Íslands­móts­ins á Hlíðar­enda í gær en Fram­ar­ar unnu ein­vígið afar sann­fær­andi, 3:0.

Frétt af mbl.is

Fram­ar­ar tvö­fald­ir meist­ar­ar

„Við byrjuðum þessa veg­ferð þann 15. apríl í fyrra,“ sagði Rún­ar sem er upp­al­inn hjá Fram en hann gekk til liðs við fé­lagið á nýj­an leik frá ÍBV fyr­ir tíma­bilið í fyrra.

„Ég stóð inn í klefa eft­ir ein­vígið gegn Val í átta liða úr­slit­un­um í fyrra, þar sem við töpuðum með ein­hverj­um fimm­tíu marka mun. Ég sagði við strák­ana; þið eruð nokkr­um núm­er­um of litl­ir! Ef þið ætlið að vinna eitt­hvað þá verðið þið að græja það í sum­ar.

Vinn­an sem þess­ir strák­ar eru bún­ir að leggja á sig er ekki sjálf­gef­in. Þeir skildu það sem ég sagði og gerði eitt­hvað í því,“ sagði Rún­ar meðal ann­ars.

Fram­ar­ar fagna Íslands­meist­ara­titl­in­um í gær. mbl.is/​Eggert Jó­hann­es­son

• Blogga um frétt