Magdeburg tyllti sér í toppsætið

Ómar Ingi Magnús­son skoraði fjög­ur mörk fyr­ir Mag­deburg þegar liðið vann stór­sig­ur gegn Flens­burg, 35:27, á heima­velli í 33. og næst­síðustu um­ferð þýsku 1. deild­ar­inn­ar í hand­bolta í kvöld.

Með sigr­in­um tyllti Mag­deburg sér í efsta sæti deild­ar­inn­ar en liðið er með 55 stig í efsta sæt­inu, stigi meira en Füch­se Berlín sem tek­ur á móti Íslend­ingaliði Gum­mers­bach á morg­un. Melsungen er úr leik í titil­bar­átt­unni eft­ir jafn­tefli kvölds­ins gegn Lem­go á heima­velli, 26:26.

Gísli Þor­geir Kristjáns­son lék ekki með Mag­deburg í kvöld vegna meiðsla en Mag­deburg heim­sæk­ir Bieti­geim-Metterzimmern í lokaum­ferðinni á sunnu­dag­inn á meðan Füch­se Berlín heim­sæk­ir Rhein-Neckar Löwen.

• Blogga um frétt