Evrópubikar í höfn eftir að andstæðingur mætti ekki

Norður­ma­kedónska fé­lagið Alkaloid er sig­ur­veg­ari Evr­ópu­bik­ars­ins í hand­bolta eft­ir að liðinu var dæmd­ur 10:0-sig­ur gegn AEK Aþenu.

Alkaloid var dæmd­ur sig­ur eft­ir að leik­menn AEK neituðu að spila seinni leik liðanna í Skopje. Fyrri leik­ur­inn endaði með 29:25-sigri Alkaloid í Grikklandi.

Ástæðan fyr­ir því að AEK spilaði ekki leik­inn var vegna þess að hluti af stuðnings­mönn­um liðsins var ekki hleypt inn í Norður-Makedón­íu. Leik­menn vildu sýna þeim stuðning og spiluðu því ekki leik­inn.

Sam­kvæmt norður­ma­kedónsk­um miðlum var sagt frá að AEK hefði fengið út­hlutað 200 miðum en 500 stuðnings­menn liðsins ætluðu á leik­inn. Þeim sem voru ekki með miða var ekki hleypt inn í landið.

Í úr­sk­urði EHF í dag seg­ir að hann snúi aðeins að úr­slit­un­um í leikn­um. Enn eigi eft­ir að taka ákvörðun um mögu­leg­ar refs­ing­ar varðandi út­hlut­un miða og það að neita að spila.

• Blogga um frétt