Framlengir í heimahögunum

Hand­knatt­leiksmaður­inn Logi Gauta­son hef­ur skrifað und­ir nýj­an tveggja ára samn­ing við upp­eld­is­fé­lag sitt KA. Er hann nú samn­ings­bund­inn til sum­ars­ins 2027.

Í til­kynn­ingu á heimasíðu KA er vak­in at­hygli á því að Logi, sem er tví­tug­ur vinstri hornamaður, komi úr mik­illi KA-fjöl­skyldu. Eldri bróðir hans Dag­ur er at­vinnumaður í hand­knatt­leik hjá Mont­p­ellier í Frakklandi.

Ann­ar eldri bróðir Loga, Kári, er leikmaður bikar­meist­ara KA í knatt­spyrnu og þá eru for­eldr­arn­ir Gauti og Haf­dís virk­ir þátt­tak­end­ur í starfi fé­lags­ins.

„Það er fagnaðarefni að Logi skuli ætla að vera áfram í her­búðum KA. Logi er ein­stak­lega skemmti­leg­ur dreng­ur sem hef­ur mikla burði til þess að verða einn fremsti hornamaður deild­ar­inn­ar með réttu hug­ar­fari og góðum æf­ing­um.

Hann hef­ur sýnt það hingað til að hann er óhrædd­ur við að taka fær­in sín og nýt­ir þau vel. Ég sé mikla framtíð fyr­ir Loga hjá KA og í hand­bolt­an­um,“ sagði Andri Snær Stef­áns­son, þjálf­ari KA, í sam­tali við heimasíðu fé­lags­ins.

• Blogga um frétt