Skrifar undir í Garðabæ

Hand­bolta­kon­an Sara Katrín Gunn­ars­dótt­ir hef­ur skrifað und­ir tveggja ára samn­ing við Stjörn­una í úr­vals­deild­inni.

Sara Katrín, sem er 23 ára, kem­ur frá Hauk­um eft­ir tvö tíma­bil í Hafnar­f­irðinum. Hún varð bikar­meist­ari með Hauk­um í mars.

Þetta er ann­ar leikmaður­inn sem Stjarn­an sæk­ir frá Hauk­um en markvörður­inn Mar­grét Ein­ars­dótt­ir gekk til liðs við Stjörn­una í maí.

„Sara Katrín er leikmaður sem ég er sann­færður um að eigi eft­ir að styrkja okk­ar lið mikið. Hún hef­ur allt sem góður leikmaður þarf að hafa og hlakka ég mikið til að vinna með henni á næsta tíma­bili,“ seg­ir Pat­rek­ur Jó­hann­es­son þjálf­ari Stjörn­unn­ar í til­kynn­ingu frá fé­lag­inu.

• Blogga um frétt