Daníel heldur heim á leið

Hand­knatt­leiksmaður­inn Daní­el Matth­ías­son er geng­inn til liðs við upp­eld­is­fé­lag sitt KA frá FH, þar sem hann lék und­an­far­in þrjú ár.

Daní­el er þrítug­ur varn­ar- og línumaður sem ólst upp hjá KA en hóf meist­ara­flokks­fer­il­inn með sam­eig­in­legu liði Ak­ur­eyr­ar árið 2012. Hann lék með FH frá 2014 til 2018 og sneri þá aft­ur heim til KA.

Við síðari dvöl sína með FH sem hófst 2022 varð Daní­el Íslands­meist­ari árið 2024.

„Danni [er] gríðarlega öfl­ug­ur varn­ar­maður sem er einnig afar kvik­ur og skipt­ir því engu hvort leik­in er 6-0 eða fljót­andi 3-2-1 vörn, Danni leys­ir sitt með glæsi­brag.

Það er afar sterkt að fá Danna aft­ur heim og verður ákaf­lega spenn­andi að fylgj­ast með fram­göngu hans í vet­ur,“ sagði meðal ann­ars í til­kynn­ingu á heimasíðu KA.

• Blogga um frétt