Hlakka til að spila með honum

Guðmund­ur Bragi Ástþórs­son skipti á dög­un­um yfir til Ringsted í Dan­mörku frá Bjerr­ing­bro/​Sil­ke­borg. Hann fékk ekki að spila eins mikið og hann vildi og ákvað því að söðla um. Guðmund­ur kann vel við danska hand­bolt­ann.

„Helsti mun­ur­inn hér og heima er hvað leik­menn í Dan­mörku eru al­hliða góðir. Stóru skytt­urn­ar negla ekki bara fyr­ir utan held­ur eru skarp­ir leik­menn og geta tekið vel þátt í línu­spil­inu.

Það eru marg­ir leik­menn hérna sem eru bara með allt sem ger­ir hand­bolta­menn góða. Neðstu liðin hérna eru líka góð og all­ir geta unnið alla,“ sagði hann við mbl.is.

Ísak Gúst­afs­son samdi við Ringsted á dög­un­um en Ísak og Guðmund­ur hafa leikið sam­an með yngri landsliðum Íslands. Þeir unnu m.a. til bronsverðlauna með U21-árs landsliðinu fyr­ir tveim­ur árum.

„Við erum fín­ir fé­lag­ar og við höf­um spilað sam­an með yngri landsliðunum. Hann er mjög fínn ná­ungi og ég hlakka til að spila með hon­um,“ sagði Guðmund­ur.

Nán­ar er rætt við Guðmund á íþrótt­asíðum Morg­un­blaðsins sem kom út í morg­un.