Hafsteinn Óli mætir Íslandi á HM

Hafsteinn Óli Ramos Roca, leikmaður Gróttu, er í landsliðshópi Grænhöfðaeyja fyrir heimsmeistaramót karla í handknattleik og mætir íslenska landsliðinu í fyrsta leikn­um í Za­greb í Króa­tíu 16. janú­ar.

Skyttan lék sína fyrstu leiki með liðinu í síðasta mánuði og hefur nú verið valinn í hópinn sem mætir til leiks á HM. 

Hafsteinn fékk ríkisborgararétt í sumar en faðir hans er frá Afríkuríkinu en móðir hans er íslensk. Hann er örvhent skytta og lék á sínum tíma með yngri landsliðum Íslands og vann til silfurverðlauna á EM með U18 ára landsliðinu.

Silfurverðlaunalið Íslands á EM í handbolta U18 ára. Hafsteinn er sjötti frá vinstri í efri röðinni.

Ísland og Grænhöfðaeyjar eru í G-riðli ásamt Slóveníu og Kúbu.

• Blogga um frétt