Körfuknattleiksmaðurinn Ágúst Goði Kjartansson þrífur bíla á sunnudaginn til að eiga fyrir landsliðsverkefni með U20 ára liði Íslands.
Kostnaður við landsliðsverkefni ungs afreksfólks á Íslandi hefur verið mikið til umræðu undanfarna mánuði.
Foreldrar þurfa yfirleitt að eyða mörg hundruð þúsundum í verkefnin og fá þau lítinn stuðning frá Íþróttasambandi Íslands.
Ágúst Goði birti færslu á Facebook-síðu sinni þar sem hann auglýsti bílaþrif gegn gjaldi. Það er til að safna fyrir ferðinni. Landsliðsverkefni U20 fer fram í Póllandi um miðjan júlí.
Ágúst mun þrífa bíla á milli klukkan 16 og 18 á sunnudaginn kemur. Þrifin kosta 25 þúsund krónur og mun hann þrífa þá innan sem utan.
Á meðan munu pabbi og mamma bjóða upp á kaffi og kleinur.