Jókerinn fór hamförum í sigri
Setja bókamerki
Serbinn Nikola Jokic, Jókerinn, var enn eina ferðina með þrefalda tvennu er Denver Nuggets hafði betur gegn Utah Jazz, 132:121, í NBA-deildinni í körfubolta í nótt.
Jokic skoraði 36 stig, gaf 11 stoðsendingar og tók 22 fráköst fyrir Denver. Jordan Clarkson var atkvæðamestur í Utah með 24 stig, fimm fráköst og fjórar stoðsendingar.
Magnaður Embiid
Joel Embiid skoraði 37 stig fyrir Philadelphia 76ers í öruggum sigri liðsins á Portland Trail Blazers, 125:103.
Auk þess að skora 37 stig tók Embiid níu fráköst og gaf þrjár stoðsendingar. Í liði Portland var Anfernee Simons stigahæstur með 25 stig, fjögur fráköst og fjórar stoðsendingar.
New York Knicks gerði góða ferð í höfuðborgina og lagði Washington Wizards, 126:106, í nótt.
Karl-Anthony Towns var stigahæstur fyrir New York með 32 stig og 13 fráköst. Samherji hans Josh Hart var með þrefalda tvennu eða 23 stig, 15 fráköst og 10 stoðsendingar.
Jonas Valanciunas var stigahæstur fyrir Washington en hann skoraði 22 stig og reif niður átta fráköst.
Öll úrslit:
Charlotte Hornets - Chicago Bulls 108:115
Washington Wizards - New York Knicks 106:126
New Orleans Pelicans - Los Angeles Clippers 113:116
Utah Jazz - Denver Nuggets 121:132
Golden State Warriors - Cleveland Cavaliers 95:113
Portland Trail Blazers - Philadelphia 76ers 103:125
Sacramento Kings - Dallas Mavericks 110:100
Aldrei fleiri útlendingar afplánað dóm á Íslandi
Telur að eldgosahrinan sé að fjara út
„Ýmislegt fleira sem kemur í ljós á næstu vikum“
Hljóta að sjá að ekki sé hægt að stoppa þetta
„Það er algjör óvissa“
Viðbrögð ríkisstjórnarinnar ráða árangrinum