„Samheldnin hefur skilað okkur titlum“

„Við erum að smella vel sam­an á hár­rétt­um tíma,“ seg­ir Kristó­fer Acox fyr­irliði bikar­meist­ara Vals í körfuknatt­leik. 

Frétt af mbl.is

Val­ur bikar­meist­ari í fimmta sinn

Blaðamaður hef­ur orð á því að Vals­menn vinna afar sann­fær­andi sigra bæði í úr­slita­leik og undanúr­slita­leik keppn­inn­ar. 96:78 gegn KR í úr­slita­leikn­um í dag og 91:67 gegn Kefla­vík í undanúr­slit­un­um í Smár­an­um í vik­unni. 

„Við höf­um unnið leiki í deild­inni þar sem við okk­ur fannst við samt ekki spila af eðli­legri getu. Við unn­um leiki þar sem við vor­um ósátt­ir við frammistöðuna. En okk­ur tókst að finna takt­inn og í svona mik­il­væg­um leikj­um finna menn oft ein­hvern auka gír og auka orku. Við höf­um spilað mik­il­væga leiki síðustu ár og kunn­um það vel. Eins og staðan er núna er liðið á mjög fín­um stað,“ seg­ir Kristó­fer sem skoraði 10 stig, tók 4 frá­köst og gaf 5 stoðsend­ing­ar í úr­slita­leikn­um gegn upp­eld­is­fé­lag­inu. 

Ung­ur stuðnings­maður held­ur bet­ur ánægður með gang mála. mbl.is/Ó​laf­ur Árdal

Hann tek­ur fram að reynd­ir og sig­ur­sæl­ir leik­menn Vals verði þó stressaðir fyr­ir úr­slita­leiki eins og aðrir. 

„Við erum mennsk­ir eins og aðrir. Maður finn­ur fyr­ir fiðrild­inu í mag­an­um og stress­inu sem tek­ur við þegar komið er í leik­inn. En þá kem­ur reynsl­an til góða og manni tekst að róa sig. Við erum einnig dug­leg­ir að minna hverja aðra á hvað skipt­ir máli á mik­il­væg­um augna­blik­um. Sam­heldn­in er alltaf góð og menn eru alltaf að hugsa um næsta mann í liðinu. Sam­heldn­in hef­ur skilað okk­ur þess­um titl­um síðustu ár,“ sagði Kristó­fer Acox við mbl.is í Smár­an­um í kvöld. 

• Blogga um frétt