Það vildi enginn fá Keflavík

Bene­dikt Guðmunds­son, þjálf­ari Tinda­stóls, var að von­um ánægður með naum­an sig­ur á Kefla­vík í öðrum leik liðanna í 8-liða úr­slit­um Íslands­móts karla í körfu­bolta.

Spurður út í hvað skóp sig­ur­inn sagði Bene­dikt þetta:

„Það bar mjög lítið á milli í kvöld. Þetta var hrika­lega jafnt þrátt fyr­ir að við leiðum megnið af leikn­um. Þeir voru alltaf í rass­gat­inu á okk­ur. Alltaf hættu­leg­ir. Það er erfitt að stoppa þá með þeirra sókn­arþunga og þeir voru alltaf með ein­hver vopn til að beita á okk­ur.

En ég er ánægður með hversu mikið menn lögðu sig fram í mínu liði og ork­an var mik­il. Stór­ar körf­ur hjá okk­ur í lok­in og frá­köst­in. Síðan erum við að nota vít­in vel. Ég þarf bara að horfa á þetta aft­ur til að geta svarað því al­menni­lega af hverju við end­um ofan á. En alla­veg­ana þess­ir hlut­ir.“

Mun­ur­inn í þess­um leikj­um ber þess samt ekki merki um að annað liðið sé deild­ar­meist­ari en hitt end­ar í 8. sæti og fer með nán­ast krafta­verki inn í þessa úr­slita­keppni.

Bene­dikt Guðmunds­son er þjálf­ari deild­ar­meist­ara Tinda­stóls. mbl.is/​Eggert Jó­hann­es­son

„Já það reyn­ir á breidd­ina hjá okk­ur. Við viss­um að menn yrðu að stíga upp til að geta unnið Kefla­vík. Dimitros gerði það í kvöld og hans besti leik­ur hingað til. Arn­ar var með risa­körf­ur og Basile líka. Það er miklu auðveld­ara að skora í fyrri hálfleik held­ur en í brak­inu í lok leikja. Við erum með gæði en Kefla­vík er líka með gæði.“

Ekki týpíska liðið í átt­unda sæti

„Kefla­vík er ekk­ert þetta týpíska lið í átt­unda sæti. Þetta er lið sem ætlaði sér að vinna allt sem hægt er að vinna í vet­ur. Þeir eru með frá­bært lið og það skipt­ir engu máli þó þeir hafi verið að ströggla í nóv­em­ber eða fe­brú­ar. Svona er liðið í dag hjá þeim. Siggi og Jonni eru bún­ir að búa til betri liðsheild und­an­farið þar sem menn eru að skila sín­um hlut­verk­um.

Það vildi eng­inn fá Kefla­vík í 8-liða úr­slit­um en það varð raun­in og sem bet­ur fer hef­ur þetta dottið okk­ar meg­in. Það hef­ur ekki mátt muna miklu en við erum í dauðafæri að fá þá heim og klára þessa seríu. 2:0-for­skot gef­ur þér ekk­ert. Það þarf að klára að reka enda­hnút­inn á þetta. Ég treysti á mína menn að koma klár­ir á fimmtu­dag.

Ég treysti líka á áhorf­end­ur að koma og styðja við bakið á okk­ur og ég treysti á Skag­f­irðinga hér fyr­ir sunn­an að koma norður og styðja við bakið á okk­ur. Við þurf­um að búa til svaka­lega stemn­ingu í Sík­inu.“

Þannig að þið ætlið ykk­ur að sópa Kefl­vík­ing­um út á fimmtu­dag?

„Að sjálf­sögðu. Við vit­um samt að það verður ekki auðvelt. Það kem­ur oft værukærð í lið sem eru 2:0-yfir og þú ert í ákveðnum þæg­ind­um. Við fáum samt ekk­ert út úr þessu fyrr en þriðji sig­ur­inn er unn­inn og við vilj­um ekki koma Kefla­vík á bragðið með því að taka okk­ur á Krókn­um,“ sagði Bene­dikt í sam­tali við mbl.is.

• Blogga um frétt