Njarðvíkingar niðurlægðu Álftanes og einvígið lifir

Njarðvík­ing­ar völtuðu yfir Álfta­nes 107:74 í þriðja leik liðanna í 8 liða úr­slit­um Íslands­móts karla í körfu­bolta í Njarðvík í kvöld.

Staðan í ein­víg­inu er 2:1 fyr­ir Álfta­nes og þurfa Njarðvík­ing­ar að vinna Álfta­nes á Álfta­nesi á þriðju­dag­inn til að knýja fram odda­leik í Icem­ar höll­inni í Innri Njarðvík. Álft­nes­ing­ar geta hins­veg­ar unnið ein­vígið með sigri í næsta leik. 

Leik­ur­inn var nokkuð jafn fram­an af fyrsta leik­hluta en síðan komu 9 stig í röð frá Álfta­nesi og staðan orðin 18:10 fyr­ir gest­ina. Njarðvík­ing­ar náðu þó að saxa á þetta for­skot og tókst að lok­um að jafna áður en leik­hlut­inn kláraðist. Staðan eft­ir fyrsta leik­hluta 24:24.

Ann­ar leik­hluti var tals­verður has­ar. Njarðvík­ing­ar náðu 4 stiga for­skoti í stöðunni 28:24 en Álfta­nes átti alltaf ráð und­ir rifi og virt­ust aðgerðir þeirra taka minni orku og ganga bet­ur en hjá Njarðvík. Þeim tókst að kom­ast yfir með þriggja stiga körfu Dimitris Klon­aras og staðan 31:28 fyr­ir Álfta­nesi.

Álfta­nes náði síðan 8 stiga for­skoti í stöðunni 48:40 og virt­ust þeir vera að sigla fram úr Njarðvík­ing­um. Annað kom á dag­inn því Njarðvík­ing­um tókst að jafna og kom­ast einu stigi yfir í stöðunni 49:48 og voru það hálfleikstöl­ur í leikn­um. Það verður samt að segj­ast að Álft­nes­ing­ar voru betri í fyrri hálfleik þrátt fyr­ir að vera stigi und­ir.

Dwayne Lautier Og­un­leye skoraði 17 stig fyr­ir Njarðvík og Mario Mata­sovic tók 7 frá­köst í fyrri hálfleik.

Just­in James skoraði 18 stig fyr­ir Álfta­nes og tók Dimitros Klon­aras 7 frá­köst. 

Álfta­nes byrjaði seinni hálfleik­inn en klikkaði á sinni fyrstu sókn. Njarðvík­ing­ar settu þá eina tveggja stiga körfu og fylgdu henni eft­ir með tveim­ur þriggja stiga körf­um og staðan orðin 57:48 fyr­ir Njarðvík­inga. 

Njarðvík­ing­ar voru ekki hætt­ir því þeir gjör­sam­lega yf­ir­spiluðu Álfta­nes í þess­um leik­hluta og unnu hann að lok­um 25:7. Álfta­nes skoraði fyrsta stigið sitt í leik­hlut­an­um þegar 3:52 voru eft­ir af þriðja leik­hluta. 

Þegar þriðja leik­hluta var lokið var staðan 74:55 fyr­ir Njarðvík. 

Njarðvík­ing­ar byrjuðu fjórða leik­hluta og náðu 26 stiga for­skoti í stöðunni 81:55. Njarðvík­ing­ar gáf­ust aldrei upp og gjör­sam­lega niður­lægðu gesti sína og unnu að lok­um með 33 stiga mun.

Dwayne Lautier Og­un­leye skoraði 26 stig fyr­ir Njarðvík og tók Mario Mata­sovic 13 frá­köst. 

Just­in James skoraði 25 stig fyr­ir Álfta­nes og Dimitri­os Klon­aras tók 11 frá­köst.

Njarðvík - Álfta­nes 107:74

IceM­ar-höll­in, Bón­us deild karla, 11. apríl 2025.

Gang­ur leiks­ins:: 5:9, 12:18, 21:22, 24:24, 28:29, 31:36, 38:43, 49:48, 60:48, 63:48, 69:51, 74:55, 84:57, 90:68, 96:74, 107:74.

Njarðvík: Dwayne Lautier-Og­un­leye 26/​8 frá­köst/​11 stoðsend­ing­ar, Dom­inykas Milka 24/​13 frá­köst/​5 var­in skot, Mario Mata­sovic 23/​13 frá­köst, Khalil Shabazz 13/​4 frá­köst/​8 stoðsend­ing­ar, Isaiah Coddon 11, Veig­ar Páll Al­ex­and­ers­son 10.

Frá­köst: 31 í vörn, 12 í sókn.

Álfta­nes: Just­in James 25/​9 frá­köst, Dav­id Okeke 16/​5 frá­köst, Dimitri­os Klon­aras 16/​11 frá­köst, Hörður Axel Vil­hjálms­son 6/​5 frá­köst, Dúi Þór Jóns­son 3, Dino Stipcic 3, Tóm­as Þórður Hilm­ars­son 2/​7 frá­köst, Hauk­ur Helgi Briem Páls­son 2, Lukas Palyza 1.

Frá­köst: 30 í vörn, 16 í sókn.

Dóm­ar­ar: Krist­inn Óskars­son, Davíð Kristján Hreiðars­son, Jón Þór Eyþórs­son.

Áhorf­end­ur: 823

Njarðvík	107:74	Álfta­nes	Opna lýs­ingu Loka
99. mín. skor­ar
Augna­blik — sæki gögn...

• Blogga um frétt