Gæti tekið við þjálfun Keflavíkur

Daní­el Andri Hall­dórs­son kem­ur sterk­lega til greina sem næsti þjálf­ari kvennaliðs Kefla­vík­ur í körfu­bolta.

Þetta herma heim­ild­ir mbl.is og Morg­un­blaðsins en Daní­el lét af störf­um sem þjálf­ari kvennaliðs Þórs í gær­kvöldi. Hann er 29 ára gam­all.

Frétt af mbl.is

Valskon­ur sterk­ari í lok­in og í undanúr­slit

Þórsar­ar féllu úr leik í átta liða úr­slit­um Íslands­móts­ins í gær eft­ir tap gegn Val í fjórða leik liðanna, 3:1, á Hlíðar­enda og til­kynnti körfuknatt­leiks­deild Þórs svo strax í leiks­lok að Daní­el væri hætt­ur með liðið.

Und­ir stjórn Daní­els hafnaði Þórsliðið í þriðja sæti úr­vals­deild­ar­inn­ar í ár. Hann kom liðinu upp í efstu deild fyr­ir tveim­ur árum síðan, í úr­slita­leik bik­ar­keppn­inn­ar á síðustu leiktíð og þá varð liðið Meist­ari meist­ar­anna síðasta haust.

Sig­urður Ingi­mund­ar­son og Jón Hall­dór Eðvalds­son tóku við þjálf­un Kefla­vík­urliðsins af Friðriki Inga Rún­ars­syni í janú­ar á þessu ári og munu stýra liðinu út keppn­is­tíma­bilið áður en þeir láta af störf­um með liðið.

• Blogga um frétt