Stórleikur LeBrons dugði ekki til

Minnesota Timberwol­ves er komið í 2:1 í ein­vígi sínu við Los Ang­eles Lakers í átta liða úr­slit­um banda­rísku NBA-deild­ar karla í körfu­bolta eft­ir sig­ur, 116:104, í Minnesota í nótt. 

Minnesota vann fyrsta leik­inn í Los Ang­eles og Lakers ann­an en fjóra sigra þarf til að kom­ast í undanúr­slit­in. 

Þrátt fyr­ir tapið átti Le­Bron James stór­leik en hann skoraði 38 stig, tók tíu frá­köst og gaf fjór­ar stoðsend­ing­ar í liði Lakers. Hjá Minnesota skoraði Ant­hony Edw­ards 29 stig, tók átta frá­köst og gaf átta stoðsend­ing­ar. 

Næsti leik­ur liðanna fer fram næsta sunnu­dags­kvöld. 

Or­lando minnkaði mun­inn 

Or­lando Magic minnkaði mun­inn gegn NBA-meist­ur­um Bost­on Celtics með 95:93-sigri í Or­lando í nótt. Staðan er 2:1 fyr­ir Bost­on eft­ir fyrstu þrjá leik­ina. 

Franz Wagner skoraði 32 stig, tók sjö frá­köst og gaf átta stoðsend­ing­ar í liði Or­lando en hjá Bost­on skoraði Jay­son Tatum 36 stig, tók níu frá­köst og gaf fjór­ar stoðsend­ing­ar. 

Næsti leik­ur liðanna fer fram aðfaranótt mánu­dags. 

Gríska undrið magnað 

Gi­ann­is An­tet­okoun­mpo átti þá enn einn stór­leik­inn fyr­ir Milwaukee Bucks í sigri liðsins á Indi­ana Pacers, 117:101, í Milwaukee í nótt. 

Staðan er 2:1 fyr­ir Indi­ana eft­ir fyrstu þrjá leik­ina en næsti leik­ur liðanna fer fram aðfaranótt miðviku­dags. 

Gi­ann­is skoraði 37 stig, tók tólf frá­köst og gaf sex stoðsend­ing­ar í liði Milwaukee. Pascal Siakam var at­kvæðamest­ur hjá Indi­ana með 28 stig, fimm frá­köst og tvær stoðsend­ing­ar. 

• Blogga um frétt