Sýndum að við áttum helling inni

Lára Ösp Ásgeirs­dótt­ir skoraði 12 stig þegar lið henn­ar Njarðvík knúði fram odda­leik gegn Hauk­um um Íslands­meist­ara­titil kvenna í körfu­bolta í kvöld.

Lára Ösp setti fjór­ar þriggja stiga körf­ur í sig­ur­leikn­um í Njarðvík, 94:78, og komu þrjár þeirra á gríðarlega mik­il­væg­um tíma­punkt­um í þriðja leik­hluta þegar Njarðvík var að kom­ast yfir gegn Hauk­um og byggja upp for­skot. Spurð út í leik­inn í kvöld sagði Lára Ösp:

„Við fylgd­um plan­inu sem Ein­ar Árni lagði upp með og vor­um til­bún­ar að berj­ast fyr­ir því að þurfa ekki að fara í sum­ar­frí.“

Frétt af mbl.is

Njarðvík knúði fram hrein­an odda­leik

Staðan er 2:2 í ein­víg­inu. Hvað þarf til að vinna ein­vígið og tryggja ykk­ur Íslands­meist­ara­titil­inn?

„Ég býst við mjög jöfn­um og erfiðum leik. Bæði lið vilja auðvitað þenn­an titil. Við mæt­um til­bún­ar og mun­um berj­ast allt til enda­loka.“

Þið lendið 2:0 und­ir í ein­víg­inu og það voru nú flest­ir spek­ing­ar bún­ir að af­skrifa ykk­ur. Jafn­vel þegar Njarðvík vann síðasta leik þá töluðu marg­ir um að þetta væri ágæt­is klór í bakk­ann og að þetta myndi klár­ast í kvöld. Höfðuð þið alltaf þá trú að þið gætuð komið þessu ein­vígi í odda­leik?

„Já, okk­ur fannst við eiga meira inni og vor­um ekki ánægðar með okk­ar frammistöðu í fyrstu tveim­ur leikj­un­um. Við sýnd­um það að við átt­um hell­ing inni og stigatafl­an í kvöld sann­ar það,“ sagði Lára Ösp í sam­tali við mbl.is.

• Blogga um frétt