Áfram í Vesturbænum

Lett­neski körfu­boltamaður­inn Lin­ards Jaunzems hef­ur náð sam­komu­lagi við KR um að leika með liðinu á kom­andi keppn­is­tíma­bili.

Jaunzems, sem er 30 ára, átti frá­bært tíma­bil með KR í úr­vals­deild­inni í vet­ur en hann var að meðaltali í leik með 20,8 stig, 7,9 frá­köst og 3,4 stoðsend­ing­ar.

Áður en Jaunzems kom til lands­ins lék hann mest­megn­is í heima­land­inu en einnig með Pärnu Sa­dam í Eistlandi. 

Hann var þá val­inn besti leikmaður LEBL-deild­ar­inn­ar, sam­eig­in­legr­ar úr­vals­deild­ar Eist­lands og Lett­lands, í fyrra.

„Lin­ards er fjöl­hæf­ur leikmaður sem pass­ar mjög vel inn í ís­lensku deild­ina. Hann var frá­bær fyr­ir okk­ur á síðasta tíma­bili og féll virki­lega vel inn í hóp­inn sem og fé­lagið í heild sinni, bæði körfu­bolta- og hug­ar­fars­lega. Það er gríðarlega mik­il­vægt fyr­ir okk­ur að hafa Lin­ards, ásamt okk­ar ís­lensku strák­um, áfram til þess að byggja ofan á sein­asta tíma­bil,“ seg­ir Jakob Örn Sig­urðar­son, þjálf­ari KR, í til­kynn­ingu frá fé­lag­inu. 

• Blogga um frétt