Bróðir Borche tekinn við ÍR

Norður-Makedón­inn Pance Ilievski hef­ur verið ráðinn nýr þjálf­ari kvennaliðs ÍR í körfuknatt­leik. Skrifaði hann und­ir þriggja ára samn­ing.

Pance er bróðir Borche Ilievski, sem þjálf­ar karlalið ÍR í körfuknatt­leik.

Kvennalið ÍR hafnaði í neðsta sæti 1. deild­ar á síðasta tíma­bili og leik­ur þar áfram á því næsta.

Pance er reynd­ur þjálf­ari og fyrr­ver­andi at­vinnumaður í körfuknatt­leik. Hann kom fyrst til Íslands árið 2006 og lék þá með KFÍ, nú Vestra, í 1. deild. Hann þjálfaði einnig yngri flokka í Bol­ung­ar­vík og tók svo við meist­ara­flokki kvenna hjá KFÍ tíma­bilið 2010 til 2011. Síðan þá hef­ur hann einnig stýrt kvennaliðum bæði hér á landi og er­lend­is.

Mik­il spenna í Breiðholt­inu

„Pance er menntaður sjúkraþjálf­ari sem nýt­ist vel til að byggja upp heil­brigðan og öfl­ug­an hóp leik­manna. Hann þekk­ir leik­inn afar vel, kem­ur úr mik­illi körfu­bolta­fjöl­skyldu og legg­ur áherslu á fag­mennsku, aga og sterka liðsheild.

Það rík­ir mik­il spenna í Breiðholt­inu fyr­ir komu hans og við hlökk­um til að sjá hann skrifa sinn eig­in kafla í sögu ÍR kvenna,“ sagði í til­kynn­ingu frá körfuknatt­leiks­deild ÍR.

• Blogga um frétt