Nýliðarnir styrkja sig mikið

Slóvakíski körfuknatt­leiksmaður­inn Ma­rek Do­lezaj er geng­inn til liðs við nýliða Ármanns í úr­vals­deild­inni.

Þetta kem­ur fram í til­kynn­ingu Ármenn­inga en Ma­rek kem­ur til liðsins frá Kefla­vík, þar sem hann hef­ur verið und­an­far­in tvö tíma­bil.

Ma­rek var í miklu hlut­verki hjá Kefla­vík­urliðinu, sér­stak­lega á sínu fyrsta tíma­bili þegar hann varð bikar­meist­ari með liðinu.

Ma­rek gekk til liðs við Kefla­vík frá Mün­ster í þýsku B-deild­inni.

Hann lék áður með Irakl­is í Grikklandi, Ternopil í Úkraínu og Karlovka Brat­islava í Slóvakíu. Þá hef­ur hann leikið með landsliði Slóvakíu og lék með liði Syracu­se-há­skóla í Banda­ríkj­un­um í fjög­ur ár. Hann fór í nýliðaval NBA árið 2021 en var ekki val­inn.

Þetta er ann­ar leikmaður­inn sem yf­ir­gef­ur Kefla­vík í dag en Álft­nes­ing­ar til­kynntu komu Sig­urðar Pét­urs­son­ar áðan. 

Frétt af mbl.is

Fer frá Kefla­vík til Álfta­ness

• Blogga um frétt