Verður að venjast látunum

„Til­finn­ing­in er mjög góð. Ég er ánægð með eig­in frammistöðu,“ sagði Thelma Björg Björns­dótt­ir eft­ir að hún hafnaði í sjö­unda sæti í átta manna úr­slit­um í 100 metra bring­u­sundi í SB5-flokki hreyfi­hamlaðra á Para­lympics-leik­un­um í kvöld.

Thelma Björg synti á 1:58,62 mín­út­um eft­ir að hafa synt á 1:58,93 mín­út­um í undanúr­slit­un­um í morg­un.

Frétt af mbl.is

Thelma varð sjö­unda í Par­ís

Bætti hún þar með tíma sinn frá því í undanúr­slit­un­um, al­veg eins og Thelma Björg hafði ætlað sér.

Hún var að taka þátt á sín­um þriðju Para­lympics-leik­um eft­ir að hafa einnig keppt í Tókýó fyr­ir þrem­ur árum og í Ríó de Jan­eiro fyr­ir átta árum.

Hvernig fannst þér að taka þátt á þínum þriðju leik­um?

„Það var mjög gam­an og skemmti­legt,“ sagði Thelma Björg og bætti því við að það væri alltaf jafn skemmti­legt að taka þátt.

Sátt við ár­ang­ur­inn

Áhorf­end­ur í Par­is La Dé­fen­se Ar­ena-höll­inni í Par­ís létu vel í sér heyra í morg­un og enn bet­ur í kvöld. Spurð hvernig það hafi verið að upp­lifa enn meiri læti í höll­inni í kvöld sagði Thelma Björg:

„Maður verður bara að venj­ast því.“

Hún var þó ekki á því að hávaðinn truflaði sig, frek­ar að hann hvetti Thelmu Björg til dáða og hjálpaði til.

Eft­ir að hafa hafnað í átt­unda sæti í Tókýó og sjö­unda sæti í Par­ís kvaðst hún ánægð með ár­ang­ur­inn.

„Já, ég er sátt við þetta,“ sagði Thelma Björg að lok­um í sam­tali við mbl.is.

• Blogga um frétt