Þurfti að sofa á gólfinu í París

Morteza Mehrzad er aðeins hærri en liðsfélagar sínir.
Morteza Mehrzad er aðeins hærri en liðsfélagar sínir. AFP/Atta Kenare

Íranski blak­leikmaður­inn Morteza Mehrzad þurfti að sofa á gólf­inu á Ólymp­íu­mót­inu í Par­ís í mánuðinum.

Ástæðan er sú að hann er 246 sentí­metr­ar og passaði ekki í rúm­in sem var boðið upp á í frönsku höfuðborg­inni.

Mehrzad keppti einnig á mót­inu í Tókýó fyr­ir þrem­ur árum og þá var búið til sér­stakt rúm fyr­ir þann ír­anska, en ekki var hægt að verða við þeirri ósk á mót­inu í ár.

Það kom ekki að sök fyr­ir Mehrzad og fé­laga því þeir urðu ólymp­íu­meist­ar­ar í blaki í flokki sitj­andi.  

mbl.is
Fleira áhugavert
Fleira áhugavert