„Ég bjóst ekki við þessu“

Eir Chang Hlésdóttir vann 400 metra hlaup kvenna og setti persónulegt met í frjálsíþróttakeppni Reykjavíkurleikanna í Laugardalshöll í kvöld.

„Mér líður ógeðslega vel, ég bjóst ekki við þessu,“ sagði Eir í viðtali við mbl.is eftir hlaupið í kvöld.

„Þetta er ekki það sem ég bjóst við. Þetta var þægilegt hlaup, ég fékk ekki mikla sýru í lokin, þetta var bara ótrúlega þægilegt.“

Þú átt þá meira inni eftir þetta persónulega met?

„Ég vona það, ég átti ekki von á þessu. Ég átti 55,01 sekúndur úti og var ótrúlega mikið að reyna að komast undir 55 og svo náði ég að bæta það svona mikið inni.“

Einhver fleiri markmið á árinu?

„Bara að hlaupa hraðar.“

• Blogga um frétt