Eir og Sæmundur fljótust í 400 metra hlaupi

Eir Chang Hlés­dótt­ir vann 400 metra hlaup kvenna og Sæmund­ur Ólafs­son vann 400 metra hlaup karla í frjálsíþrótta­keppni Reykja­vík­ur­leik­anna í Laug­ar­dals­höll í dag.

Eir Chang Hlés­dótt­ir hljóp á tím­an­um 54,70 sek­únd­um, sem er per­sónu­legt met, og vann eft­ir frá­bær­an enda­sprett en þar á eft­ir var Guðbjörg Jóna Bjarna­dótt­ir á 54,92 sek­únd­um. Í þriðja sæti var Eng­lend­ing­ur­inn Ar­ab­ella Wil­son á 55,92 sek­únd­um.

Sæmund­ur hljóp á 49,15 sek­únd­um og í öðru sæti var Eng­lend­ing­ur­inn Oli­ver James Par­ker á 49,58 sek­únd­um. Í þriðja sæti var Ívar Krist­inn Ja­son­ar­son úr ÍR á 49,69 sek­únd­um.

• Blogga um frétt