Magdalena Anna Torfadóttir
Raunverð íbúða hækkaði í flestum OECD-ríkjunum í heimsfaraldrinum en þar fóru saman lágir vextir, aukinn sparnaður heimila og þörf fyrir rými til heimavinnu.
Raunverð íbúðarhúsnæðis í flestum ríkjum OECD hefur síðan farið lækkandi vegna hærri meginvaxta sem hækkuðu í kjölfar verðbólgu sem fór að gera vart við sig haustið 2021. Verðbólgan tók verulegan kipp vegna hækkandi orkuverðs í kjölfar innrásar Rússa í Úkraínu sem og vegna tafa í aðfangakeðjum. Seðlabankar brugðust við verðbólgu með hækkandi vöxtum, sem hafði þau áhrif að eignaverð lækkaði og þar með talið íbúðaverð. Íbúðaverð í flestum OECD-ríkjum hefur lækkað að raungildi en í sumum löndum virðist það vera að taka við sér á ný, t.d. hér á landi og í Bandaríkjunum. Einnig má nefna Portúgal, Króatíu, Grikklandi og Tyrkland.
Magnús Árni Skúlason, framkvæmdastjóri Reykjavík Economics, segir að fasteignamarkaðurinn í Bandaríkjunum hafi verið nokkuð sterkur á undanförnum misserum og sé drifinn áfram af eftirspurn og innflutningi fólks.
„Það má segja að íslenski markaðurinn sé á milli BNA og Evrópu. Við sjáum að Norðurlöndin fylgjast að en í Noregi hefur fasteignaverð gefið nokkuð eftir. Þeir hafa notið góðs af háu olíuverði að undanförnu,“ segir hann.
Lestu ítarlegri umfjöllun í ViðskiptaMogganum í dag.