Marinó Örn Tryggvason, fv. forstjóri Kviku banka, og Atli Rafn Björnsson, fv. yfirmaður fyrirtækjaráðgjafar Íslandsbanka, hafa stofnað saman félagið ARMA Advisory. Þetta staðfesta þeir í samtali við ViðskiptaMoggann.
Þeir Atli Rafn og Marinó Örn eiga báðir langan starfsferil að baki á fjármálamarkaði.
Marinó Örn og Atli Rafn segja að með stofnun ARMA hyggist þeir nýta þekkingu sína og reynslu við að veita félögum og fjárfestum ráðgjöf tengda viðskiptum með áherslu á kaup og sölu fyrirtækja og öflun fjármagns. Aðspurðir segja þeir að það komi vel til greina að fá starfsfólk til liðs við félagið og jafnvel útvíkka starfsemina síðar.
Lestu ítarlegri umfjöllun í ViðskiptaMogganum í dag.