Árshækkun vísitölu íbúðaverðs 8,4%

Íbúðaverð tók kipp milli mánaða í maí, en á síðustu tólf mánuðum hefur íbúðaverð hækkað um 8,4%, sem er rúmum tveimur prósentustigum yfir verðbólgu. Þetta kemur fram á vef Húsnæðis- og mannvirkjastofnunar. Hækkunin var mest meðal sérbýlisíbúða á höfuðborgarsvæðinu en hækkunin nam um það bil 2,5%, samanborið við 0,2% hækkun og 0,3% lækkun á íbúðum í fjölbýli á höfðuborgarsvæðinu og á landsbyggðinni.

Hækkað að raunvirði

Íbúðaverð hefur þannig hækkað að raunvirði á milli maí mánaða 2023 og 2024, líkt og mánuðinn á undan. Þar áður hafði verðbólga mælst umfram íbúðaverðshækkun á ársgrundvelli í 14 mánuði samfleytt, eða frá því í febrúar 2023.

Lestu meira um málið í ViðskiptaMogganum í dag.