Sigríður Sigurðardóttir hefur verið ráðin stjórnandi nýs sviðs stafrænnar umbreytingar hjá Veitum. Sviðið ber ábyrgð á þróun og eflingu stafrænna innviða Veitna.
Áhersla verður lögð á viðskiptagreind og gagnavísindi með það að markmiði að hámarka árangur, greina ný tækifæri og tryggja skilvirka eftirfylgni, að því er segir í tilkynningu.
Sigríður hefur starfað hjá Veitum undanfarin fimm ár. Áður starfaði hún hjá Arion banka og Matís. Hún er með doktorsgráðu í iðnaðarverkfræði frá Háskóla Íslands. Hún tók hluta af doktorsnáminu við Berkeley-háskóla í Kaliforníu auk Chalmers-tækniháskólann í Gautaborg.