Afkomuspá eftir að óvissu hefur verið eytt
Setja bókamerki
Stígandi verður í rekstrarhagnaði Sýnar á síðari hluta ársins, að því er kemur fram í afkomuspá stjórnar félagsins fyrir árið 2024.
Spáin gerir ráð fyrir að rekstrarhagnaður (EBIT), án nokkurra leiðréttinga vegna einskiptiskostnaðarliða, verði 900-1.100 milljónir króna.
Fram kemur í tilkynningu til Kauphallar að samhliða birtingu ársuppgjörs Sýnar í febrúar hafi verið ákveðið að gefa ekki út afkomuspá fyrir yfirstandandi rekstrarár, meðal annars vegna óvissu um framtíðareignarhald vefmiðla og útvarpsstöðva. Nú þegar þeirri óvissu hafi verið eytt, og mikilvægum áföngum verið náð í rekstri, telji stjórnin rétt að birta afkomuspá fyrir árið 2024.
Fram kemur að á fyrstu mánuðum ársins hafi skilvirkni innan samstæðu Sýnar aukist með samhentu átaki starfsmanna félagsins. Áhrifanna muni að mestu leyti gæta í afkomu næsta árs.
„Þá er ljóst að nýlegur samningur félagsins um sýningarrétt á enska boltanum mun skila félaginu enn frekari ávinningi auk fyrirhugaðrar sölu á tilteknum viðskiptalausnum út úr Endor. Áfram verður leitað leiða til að auka skilvirkni innan félagsins enn frekar," segir í tilkynningunni.
Fram kemur einnig að þrennt þurfi að hafa í huga þegar fyrri helmingur ársins 2024 sé borinn saman við fyrra ár:
„1) Farsímatekjur voru lægri á 1F 2024 og þá aðallega vegna svokallaðra IoT tekna líkt og fram kom í síðustu afkomutilkynningu, 2) afskriftir sýningarétta eru hraðari árið 2024 og 3) í rekstrarhagnaði (EBIT) ársins 2023 voru jákvæð áhrif tengd uppgjöri á samningsskuldbindingum við erlendan birgja að fjárhæð 529 m.kr., auk þess sem sjóðstreymi 2023 var lakara um 1.213 m.kr. vegna fyrrgreinds uppgjörs. Félagið hefur áður upplýst um áhrif hraðari afskrifta sem eru jákvæð breyting til lengri tíma, en vert er að benda sérstaklega á það þegar afkoma og rekstrarmarkmið eru borin saman við fyrra ár."
Líkin rak fram eftir öllu vori
Úgönguspá: Stórsigur Verkamannaflokksins
Skjálftahrina sem mun fjara út
Nokkrir lýst áhuga á Skaganum 3X
Tappar verða framvegis fastir á öllum fernum
/frimg/1/50/27/1502771.jpg)
Alvarlegt umferðarslys nálægt Gígjukvísl