Peningastefnunefnd Seðlabanka Íslands hefur ákveðið að lækka stýrivexti bankans um 0,25 prósentustig. Þetta er í fyrsta sinn síðan í nóvember árið 2020 sem Seðlabankinn lækkar vextina. 

Meginvextir bankans eru núna 9%. 

Fram kemur í tilkynningu að verðbólga hafi hjaðnað undanfarið en hún mældist 5,4% í síðasta mánuði. 

„Þótt ákveðnir einskiptisliðir vegi þungt hefur dregið úr umfangi og tíðni verðhækkana. Undirliggjandi verðbólga hefur jafnframt minnkað og verðbólguálag á skuldabréfamarkaði lækkað,“ segir í tilkynningunni.

„Áfram virðist hægja á efnahagsumsvifum í takt við aukið peningalegt taumhald. Þá eru vísbendingar um að dregið hafi úr spennu á vinnumarkaði og svartsýni heimila og fyrirtækja hefur aukist.“

Fram kemur að þrátlát verðbólg, verðbólguvæntingar yfir markmiði og mikil innlend eftirspurn kalli þó á varkárni. Áfram þurfi því að viðhalda hæfilegu aðhaldsstigi til þess að koma verðbólgu í markmið innan ásættanlegs tíma.

Tengdar fréttir

Vextir á Íslandi

Ásgeir: Margt breyst en vextir „helvíti háir“

• „Mjór er alltaf mikils vísir“
• „Er byrjað að skila árangri“
• Sjá engin sérstök hættumerki en fylgjast vel með
• Beint: Ásgeir fer yfir vaxtaákvörðunina

» Fleiri tengdar fréttir

• Blogga um frétt