Ísleifur nýr forstöðumaður hjá Ofar

Ísleifur Örn Guðmundsson hefur verið ráðinn forstöðumaður viðskiptaþróunar hjá tæknifyrirtækinu Ofar og tekur hann einnig sæti í framkvæmdastjórn félagsins. Ofar bar áður nafnið Origo Lausnir.

Segir í tilkynningu Ofar að Ísleifur muni gegna því hlutverki að samræma og efla sölu og markaðsrannsókn tekjuinnviða fyrirtækisins ásamt að finna ný tækifæri til vaxtar.

Ísleifur hefur undanfarin ár starfað sem sölustjóri hjá Origo ehf. ásamt því að taka þátt í verkefnum tengdum stjórnun og stefnumótun.

Hann er með BS-gráðu í viðskiptafræði með áherslu á stjórnun frá University of Alabama in Huntsville í Bandaríkjunum og Háskóla Íslands.

• Blogga um frétt