Greiningardeildir Íslandsbanka og Landsbankans spá því að verðbólgan hjaðni töluvert milli mánaða og fari úr 4,6% í 4,2-4,3% í febrúar. Báðir bankarnir spár því að verðbólgan fari inn fyrir 4% efri vikmörk Seðlabankans í mars.

Landsbankinn spáir því að vísitala neysluverðs hækki um 0,98% á milli mánaða í febrúar og að verðbólga hjaðni úr 4,6% í 4,3%. Í greiningunni segir að bankinn búist við áframhaldandi hjöðnun næstu mánuði og að ársverðbólga verði komin niður í 3,7% í maí.  

Íslandsbanki spáir því að vísitala neysluverðs hækki um 0,9% í febrúar. Gangi spáin eftir mun verðbólga á ársgrundvelli lækka úr 4,6% í 4,2%. Í greiningunni segir að hækkun vísitölu neysluverðs skýrist einkum af því að vetrarútsölur og lækkun flugfargjalda ganga til baka. Grunnáhrif vegna óvenju mikilla gjaldskrárhækkana á sama tíma í fyrra eru helsta ástæða þess hve mikið árstaktur verðbólgu gengur niður ef spáin gengur eftir.

Hagstofan birtir vísitölu neysluverðs þann 27. febrúar næstkomandi.

Tengdar fréttir

Vextir á Íslandi

Finnst skorta dýpri umræðu um vexti

• Svartsýnni á verðbólguhorfur
• Lífskjör munu versna ef tollar verða lagðir á
• Finnbjörn „þokkalega sáttur“
• „Stendur ekkert til að létta þessu taumhaldi“

» Fleiri tengdar fréttir

• Blogga um frétt